Lecce2019 - Città candidata Capitale Europea della cultura

english

Lecce 2019 su Facebook Lecce 2019 su Twitter Lecce 2019 su Instagram Lecce 2019 su YouTube Invia una mail allo staff
Newsletter
Lu settaturu te chiazza Santu Ronzu: Poesia di Riccardo Rella per #Lecce2019

News e Diario

12 ottobre 2014

Lu settaturu te chiazza Santu Ronzu: Poesia di Riccardo Rella per #Lecce2019

Grazie a Riccardo Rella, presidente di Speleo Trekking Salento, per queste strofe in dialetto leccese, che ha voluto dedicare a Lecce come augurio nella corsa a Capitale Europea della Cultura.

"Lu settaturu te chiazza Santu Ronzu"

Lengu, testu, tundatu, strupicciatu                            
cu l’anche, cu li culi e cu le manu,
Settaturu te tutti li leccesi
sinti n’appuntamentu quotidianu.
 
Cu n’ecchiu a l’Arte e l’autru a la Cultura,
sia ca ‘nce sule oppuru ci sta chioe,
sta dienti lu Setile chiùi ‘mportante
pe Lecce a lu Domiladiciannove

 
Tra la Culonna, Seggiu e Santu Marcu
‘ncocchi l’artisti, musica e li eventi,
sìnti ‘nu puntu te conversazione,
ma puru  taja, taja e…te le sienti.                                             
 
Ci uliti l’arte a quai tocca beniti,
a  quai ‘nc’è Lecce Centru te Cultura;
presciati, a quai se settan li turisti
babbati te la noscia ‘rchitettura.
 
Le fimmene  te passenu te nanti,
te susu, cu  li retu ‘mpezzecati,
ni sentimu calati ‘miezzu a l’arte
tra  mini shiorti e causi ‘repezzati.
 
Porta Rusce, lu Duomo, Santa Irene
a dunca mini l’ecchi arte tenimu
 l’Anfiteatru, Santa Cruce…”Citti!
sta rita Santu Ronzu?…scià sentimu

 
 “-Ogghiu cu scindu, figghi  mei, te quai,
ogghiu me settu a fiancu a ci me ole,
basta cu stau ‘mpizzatu  ‘state e iernu
cu stu razzu ‘ntisatu ca me tole.

 
Sutta te mie, sta bisciu, ‘ncete vita,
'nu paradisu d'arte...iata a bui!
su sieculi ca m'iti "sestematu"
a lu sule e lu ientu...basta moi!

Lecce, ieu t’aggiu ulutu sempre bene
ma osce s’ì cangiata, sinti viva,
qua susu m’iti fattu ‘ntustulare…,
ogghiu caminu a basciu…a la Muvida.
 
Cretitime… nun ce la fazzu chiui;
le  fimmene  te ‘brapenu lu core,
cu ddhi tacchi, capiddhi, ugne pittate,
ArteCasaSalentu a tutte l’ure.
 
Porta S. Biagio e l’Arcu  te Trionfu…
arte vera! qua susu ‘nc’è cu mueri!
ulia cu bisciu a bui fare te statua,
cu li fumi te machine e muturi-

 
“--Fèrmate Santu Ronzu, statte quietu,
tira a retu la punta te lu pete
ca sta besse te fora a la culonna;
e sti pensieri, te la capu,  llete.
 
Te quistu settaturu e te la Chiazza
n’ha dire “Forza Lecce”, l’ha retare,
n’ha fare Capitale te Cultura,
nun pueti cu tend’iai…t’ha remanire!
 
Te quistu settaturu, assieme a nui,
renventamu a l’Europa “l’Eutopia”:
la storia noscia te li siri  e matri
crisciuti a pane testu e…fantasia
 

E quando a sira tardu, cu la luna
puggiata su ddhu razzu, te uardamu,
-RUNZINU, SINTI FIACCULA CA ‘INCE
SEMPRE DUMATA
- e… ni la ‘nduci a manu”-.

Augurissimi  Lecce!


News



Diario

Logo di Lecce 2019. Scritta bianca su fondo magenta.

Soci Fondatori

Città di Lecce Città di Brindisi Regione Puglia Provincia di Lecce Università del Salento Camera di commercio di Lecce Fucina Futuro

Partner ufficiali

Confcommercio Lecce - Partner ufficiale di Lecce2019 Quarta Caffè - Partner ufficiale di Lecce2019

|webdesign&code >)))° Big Sur